Tað skal ikki vera ivi um, at vit miða ímóti at fáa spurningin um ognartøkuna avgreiddan innan tíðarfreistina.
Tað sigur Jacob Vestergaard, landsstýrismaður í búnaðarmálum.
Hann sigur, at Búnaðarstovan er í samskifti við festararnar um endurgjaldskravið, og so mugu land og kommuna taka spurningin upp, hvussu býtið verður teirra millum.
- Vit skulu so royna at presisera lóggávuna, so hon kann brúkast meira effektivt í spurninginum endurgjaldið, sigur Jacob Vestergaard.
Hann ætlar og roknar avgjørt við, at málið verður avgreitt innan árið er farið, í hvussu er í tann mun, at endalig støða er tikin.
- Um tað so verður byrjað ein mánaða fyrr ella seinni kann vera líkamikið, men endaliga avgerðin verður tikin undan tí, sigur Jacob Vestergaard.
