Maðurin, sum norska fiskiskipið misti í Barentshavinum í gjárkvøldið, var úr Lettlandi.
Tað upplýsir løgreglan í Troms í dag, og tað eru norskir miðlar, sum endurgeva løgregluna.
Hendingin fór fram stutt eftir klokkan 19 í gjárkvøldið, og umleið klokkan 21.40 lokala tíð vóru ongar vónir um at finna mannin aftur á lívi.
- Maðurin sigldi við norska skipinum, MS Hunter, sum var á krabbaveiði í Barentshavinum.
Løgreglan í Troms sigur, at tey avvarðandi hava fingið boð um vanlukkuna. Sagt hevur verið, at maðurin var í 30-árunum.
