59 ára gamli Ryan Routh varð í dag dømdur lívstíðarfongsulsrevsing fyri eina roynd at drepa amerikanska forsetan, Donald Trump, á einum golfvølli í Florida í 2024.
Routh varð funnin sekur av dómsnevnd í september í fjør, og í dag varð hann dømdur.
Maðurin varð funnin sekur í øllum førum. Umframt morðroyndina á Trump, stendur hann eisini fyri álopi á ein umboðsmann hjá Secret Service og trimum vápnabrotum í sambandi við hendingina.
Undir hendingini, sum fór fram minni enn tveir mánaðir undan valinum í 2024, sóu umboðsmenn hjá Secret Service Routh nakrar hundrað metrar frá har Trump spældi golf.
Routh flýddi av staðnum og legði eftir seg eitt hálvautomatiskt vápn. Hann varð seinni handtikin.
Ritzau/Reuters
