Ein maður er deyður eftir skottilburðin í syðra parti av Malmø í morgun. Tað boðar svenska løgreglan frá.
Ein persónur er handtikin og undir illgruna fyri morð.
Maðurin, sum er farin um tey 50 árini, var í eini íbúð, tá hann varð skotin. Løgreglan heldur, at skotið kom uttanífrá og fór ígjøgnum eitt vindeyga.
Enn er eingin frágreiðing komin frá løgregluni um, hvørt skottilburðurin kann hava samband við svenska bandastríðið.
Ein talsmaður fyri løgregluna kann ikki svara, um onnur fólk vóru í íbúðini, tá skottilburðurin fór fram tíðliga í morgun.
Alarmsentralurin fekk boð um skottilburðin klokkan 04:42.
Tá løgreglan kom á staðið og fór at leita eftir einum gerningsmanni, fann ein hundaførari ein illgrunasaman lut.
Hetta fekk løgregluna at avbyrgja økið kring Soprangatan.
Luturin skal kannast av bumbuserfrøðingum hjá løgregluni.
##med2##
##med3##
##med4##
##med5##
/Ritzau/TT
