Fólk í tíggjutúsundatali vóru í gøtunum í Moskva í dag og vístu sína misnøgd við Vladimir Putin, forsætisráðharra. Fólk stóðu hond í hond og myndaðu á tann hátt eina ketu rundan um sjálvan miðbýin.
Mótmælistiltakið vardi ein tíma, og fyrireikararnir høvdu eggjað fólki til at fara friðarliga fram. Ungfólk, sum styðja Putin, vóru eisini í gøtunum, men partarnir brustu ikki saman.
Forsetaval verður í Russlandi um átta dagar, og lítil ivi er um, at Putin fer at vinna valið.
