Møtir og kunning um bíbliuskúlaBíbliuskúli Týskvøldið, mikukvøldið og hóskvøldið fer bíbliuskúlalærari at halda møtir og kunna um bíbliuskúlan í Børkop

Vilmund Jacobsen

Lagt verur fyri á Strondum, síð­an í Klaksvík - og at enda verð­ur møti og kunning í Havn.
Frá týsdegnum 15. mars til fríggjadagin 18. mars vitj­ar Peder Kølle frá Indre Miss­ións bíbliuskúlanum í Bør­kop, vanliga nevndur IMB.
Peder Kølle hevur verið lær­ari á IMB síðani 1996, har hann eitt nú undirvísir í rómverjabrævinum, e­van­ge­li­u­num, trúðarverju og præd­i­kul­æru.
Sagt verður um mannin, at hann er ein dugnaligur og spenn­andi undirvísari. Øll eru hjartaliga vælkomin til hesi møti, sjálvt um tey ser­liga eru vend móti ung­dóm­i­num.
Fyrireikararnir til møt­ini og kunningina um bíbliuskúlan vísa á, at nógvir føroyingar hava gingið á IMB og hava verið sera glaðir fyri tíðina.
– Peder vónar at síggja fleiri fyrrverandi og ikki minst fleiri komandi næm­ing­ar, verður sagt í tíð­ind­a­skrivi.
Á hvørjum 5 mánaðar skeiði, sum byrja í august og í jan­uar, verður skipað fyri eini utt­an­lands­ferð í umleið 10 dagar. Um várið gongur leið­in til Etiopia og um heystið til Ísraels.
Um hetta kann lesast á heimasíðuni: www.imb.dk
Fyrireikararnir siga, at Peder Kølle kemur at hava møtir og kunning um bí­bli­u­skúl­an á trimum ymiskum støð­um, nevniliga í Stranda miss­i­óns­húsi týsdagin 15. mars, í KFUM/K í Klaksvík mik­u­dagin 16. mars og í Mein­ig­heits­húsinum í Havn hós­dagin 17. mars.
Lagt verður fyri á øllum støðum klokkan 20.