Løgmaður hevur í dag verið á fundi við danska forsætisráðharran, Mette Frederiksen, í Keypmannahavn.
- Á fundinum umrøddu tey ymisk týðandi mál millum Føroyar og Danmark. Eitt nú, hvussu arbeiðið í nýggja uttanríkis,- trygdar,- og verjupolitiska samstarvsráðnum skal skipast framyvir.
Løgmansskrivstovan vísir á, at Føroyar í løtuni hava formansskapin í ráðnum, og fyrsti fundur verður í Føroyum í juni.
- Løgmaður og danski forsætisráðharrin umrøddu eisini spentu støðuna í Ukraina.
Bárður á Steig Nielsen brúkti eisini fundin til at gera vart fongsulsviðurskiftini í Føroyum.
- Løgmaður heldur tað vera óheppið, at danskir myndugleikar ikki hava ynski um betraði fongsulsviðurskifti í Føroyum við, nú nýggj langtíðaravtala er gjørd um karmarnar hjá Kriminalforsorgini.
Tað sigur løgmansskrivstova í tíðindaskrivi í dag.