Liverpool tíggju stig fremst

Liverpool er nú tíggju stig fremst í Premier League, eftir at helmingurin av 17. umfari er spælt í dag. Liverpool vann 2-0 á Watford á heimavølli, meðan nærmasti kappingarneytin, Leicester City, óvæntað bara fingu javnleik móti Norwich.

Liverpool var stórur favorittur at vinna á botnliðnum Watford, sum í Nigel Pearson hevði nýggjan venjara til hendan dystin. Liverpool eisini dystin 2-0 við málum frá Mohamed Salah, men tað stóð nakað á.

Millum annað kundi gestirnir upp til tvær ferðir havt lagt seg á odda, áðrenn Mohamed Salah við skjótálopi legði Liverpool á odda. Í seinna hálvleiki fekk Liverpool eitt mál kolldømt, tí armholan hjá Sadio Mané var rangstødd. Hetta er aðru ferð í ár, at Liverpool hevur fingið mál kolldømt, tí ein spælari er bara fáar sentimetrar rangstaddur.

##med2## 

Leicester City, við Jamie Vardy á odda, hevur verið nærmasti kappingarneytin hjá Liverpool, men í dag riggaði ikki. Eftir átta dystir upp í slag við sigri og máli frá Jamie Vardy, so vildi hvørki í dag. Tað bleiv til 1-1 móti Norwich og málið, sum Jamie Vardy átti lut í, bleiv skrivað sum sjálvmál.

Chelsea tapti eisini óvæntað 1-0 á heimavølli móti AFC Bournemouth, meðan uppflytarnir úr fyrrverandi stálbýnum, Sheffield United, halda fram við oðu gongdini. Hesa ferð við 2-0 sigri á somuleiðis uppflytarunum úr Aston Villa. Sheffield United er í løtuni á fimta plássi.

Premier League 17. umfar:

Liverpool – Watford 2-0

Burnley – Newcastle 1-0

Chelsea – AFC Bournemouth 0-1

Leicester – Norwich 1-1

Sheffield United – Aston Villa 2-0

Southampton – West Ham (klokkan 18.30)

Í morgin:

Manchester United – Everton

Wolverhampton – Tottenham

Arsenal – Manchester City

Mánadagin:

Crystal Palace - Brighton