Liverpool 'spreingir bankan' seinasta dagin í flytingarvindeyganum.
Í kvøld legði felagið fram keypið av svenska Newcastle-leikaranum Alexander Isak í einum sáttmála, sum sambært Sky Sports og BBC er tann størsti í bretskari fótbóltssøgu.
Teir báðir miðlarnir skriva, at Liverpool skal gjalda 125 milliónir pund fyri Isak. Tað svarar til 1,1 milliard danskar krónur.
Prísurin slær fyrrverandi stórar avtalur sum Moisés Caicedo til Chelsea úr Brighton í 2023 og Florian Wirtz úr Bayer Leverkusen til Liverpool fyrr í summar.
Samráðingarnar millum Liverpool og Newcastle hava seinastu vikurnar ment seg til eina vanliga farsu, har Isak endaði við ikki at spæla dystir fyri arbeiðsgevaran og at tosa atfinningarsamt á sosialu miðlunum.
Liverpool varð í fyrstu atløgu avvíst við einum tilboð upp á 110 milliónir pund, og Newcastle metti Isak til 150 milliónir pund.
So nógv vildi Liverpool ikki gjalda, og feløgini eru endað við einum prísklassa áleið í miðjuni.
Í sínum trimum kappingarárum, síðani hann skifti úr Real Sociedad, hevur Isak skorað 62 mál í 109 dystum fyri Newcastle.
/Ritzau/
