Í kvøld verða tvær tær seinastu 1/8 finalurnar í Champions League kappingini. Á Camp Nou møtast FC Barcelona og Napoli. Fyrra uppgerðin endaði 1-1. Bayern Munchen er á odda 3-0 undan returdystinum í Týsklandi móti Chelsea.
Sermerkt fyri FC Barcelona er at felagið hevur bara 13 spælarar við royndum á besta liðnum tøkar. Miðvallararnir Sergio Busquets og Arturo Vidal hava leikbann, miðverjin Samuel Umtiti er skaddur og skjóti framherjin, Ousmane Dembélé, er júst byrjaður at venja við liðfeløgunum, eftir langtíðarskaða í baklærinum.
Hartil er brasilski miðvallarin, Arthur, burturblivin í øðini. Hann er seldur til Juventus og er ónøgdur við handfaringina av skiftinum. Hann noktar tí at spæla fyri FC Barcelona í løtuni. Góðu tíðindini eru at Antoine Griezmann, Clement Lenglet og Frenkie de Jong eru allir klárir.
Tað er kreppa í felagnum og tey eru fáu, sum vænta at venjarin, Quique Setien, verður venjari aftur komandi kappingarár. Einasti møguleikin er við at vinna Champions League. Í kvøld hevur hann 13 spælarar við royndum á besta liðnum, men 1-1 javnleikurin í Napoli gevur heimaliðnum ein fyrimun.
##med2##
Gestirnir hava trupulleikar í verjuni. Kostas Manolas og Nikola Maksimovic eru skaddir, men Lorenzo Insigne er blivin klárur. Hann er ein lyklaspælari hjá Napoli, sum skal skora í kvøld fyri at hava ein kjans at koma víðari.
Bara eitt undur kann hjálpa Chelsea
Týski risin er á odda 3-0 frá fyrra dystinum á Stamford Bridge, sum er heimavøllurin hjá Chelsea. Tí skal nógv henda, um Bayern Munchen ikki verður ein partur fjórðingsfinalunum í komandi viku. Kingsley Coman verður ikki við fyri vertirnar, men tað einki afturímóti tí, sum Chelsea skal klára seg uttan.
##med3##
Christian Pulisic, Cesar Azpilicueta og Pedro fingu allir skaða í FA Cup finaluni. Ruben Loftus-Cheek og Billy Gilmour eru langtíðarskaddir, meðan Marcos Alonso og Jorginho hava leikbann. Sum um tað ikki var nokk, so eru Willian og N'Golo Kante ivasamir.
Champions League 1/8:
Í dag:
FC Barcelona (1) – (1) Napoli (20.00)
Bayern Munchen (3) – (0) Chelsea (20.00)
Í gjár:
Juventus (0) – (1) Lyon 2-1 (1-1)
0-1 Memphis Depay, 12 br
1-1 Cristiano Ronaldo, 43 br
2-1 Cristiano Ronaldo
Lyon vinnur samanlagt 2-2 við regluni um útivallarmál
##med4##
Manchester City (2) – (1) Real Madrid 2-1 (1-1)
1-0 Raheem Sterling, 9
1-1 Karim Benzema, 28
2-1 Gabriel Jesus
Manchester City vinnur samanlagt 4-2
Fjórðingsfinalur: August 12-15 (Lisbon)
Manchester City - Lyon
RB Leipzig vs Atletico Madrid
Napoli/Barcelona – Chelsea/Bayern Munchen
Atalanta - PSG
Hálvfinalur: August 18-19 (Lisbon)
Manchester City/Lyon - Napoli/Barcelona ella Chelsea/Bayern Munich
RB Leipzig/Atletico Madrid – Atalanta/Paris Saint-Germain
##med5##
Champions League finalan verður 23. august á Estadio da Luz leikvøllinum í Lisbon í Portugal.
