Í tíðindaskrivi sigur Tórshavnar kommuna, at hølini eru ætlað sum ein tænasta til teirra, ið eitt nú eru heima í jólafrí, men sum møguliga hava eina stóra uppgávu fyri framman, og tí hava tørv at sita í frið og náðum og arbeiða við hesum. Men at øll onnur lesandi eru eisini vælkomin at nýta hølini.
Talan er um hølini í Niels Winthersgøtu 5 í miðbýnum. Hølini eru í trimum hæddum, og verða tey opin hvønn dag frá klokkan átta á morgni til klokkan átta á kvøldi í tíðarskeiðnum frá 23. desembur til 24. januar. Kommnan sigur at enda, at lyklar til hølini fáast í Snarskivuni.
