Í farnu viku var aðalfundur í felagnum Samskifti, ið er navnið á gamla Reklamufelagnum. Á fundinum gjørdist greitt, at ein nýggjur limur mátti veljast í nevndini, tí sitandi formaður, Christian Nagata, ynskti ikki at taka við afturvali.
Lena L. Mohr, ið dagliga er stjóri á samskiftisfyritøkuni Sansir, varð vald í hansara stað. Umframt Lenu L. Mohr er nevndin nú mannað við Michael Koba, Niels Uni Dam og Jógvan Andersen.
Eftir aðalfundin skipaði nevndin seg. Nýggi nevndarlimurin bleiv vald til forkvinnu í felagnum, meðan Jógvan Andersen bleiv næstformaður.
