Hans Andrias Sølvará, søgufrøðingur skrivar Klaksvíkar søgu vegna Klaksvíkar býráð. Bind I umboðar eitt søguligt tíðarskeið fram til 1856, meðan bind II gongur fram til 1940. Síðsta hond verður nú løgd á triðja bindið, sum er frá 1940 fram til í dag.
Hetta triðja handritið er rættiliga rúgvusmikið, tí her er so nógv at greiða frá og í fleiri førum við góðum keldutilfari. Eftir ætlan skal handritið verða greitt til prentingar og skal bókin, Klaksvíkar søgu III bind koma út í 2015.
Afturat sær hevur Hans Andrias Sølvará eina ritstjórn, og í henni sita umframt hann, Kristinbjørg Høgnesen, Jógvan Ravnsfjall, Jóannes Hansen, Finn Kjølbro og Dávur Winther.
Ritstjórnin hevði fund í Klaksvík í gjár og eru fólk, sum møguliga hava okkurt av viðmerkja ella leggja afturat, vælkomin at gera vart við seg – Her kundi verið talan um myndir ella skjalatilfar.
