Tvær høvuðs stammur – onnur fram og hin retur eru lagdar í økið frá sjóhitaskipanini og frá hesum verða so eini 100 rør løgd pr. 6 cm undir skoytibreyrina so gera at breytin frystir, og frá teimum eins nógv rør, sum renna aftur til skipanina.
##ms##
Returvatnið frá sjóhitaskipanini er munin kaldari, tá ið tað rennur frá hitaskipanini, og er tá stutt til tað frystir. Tí er lætt við teirri tøkni, sum er í sjóhitaskipanini, eisini at kunna fyrsta.
Við hesi tøkni, verða rør nú løgd á økið við íbúðirnar á Biskupstorgi, sum verður um 380 fermetrar og skal her verða skoytubreyt, sum eftir ætlan verður tikin í nýtslu fyrst í desember.
Hetta er ein spennandi verkætlan, ið vegna sjóhitaskipanina, sum liggur í økinum – og sum íbúðirnar á Biskupstorgi eru upphitaðar við – ikki er so umhvørvisliga dálkandi og heldur ikki kostnaðarmikil í rakstri.
Tað má sigast at vera eitt bragd av Teknisku deild hjá Klaksvíkar kommunu við stuttum skotbrái saman við donsku fyritøkuni Multi Dome at hava fingið hesa skipan framda í verki. Tí verður so mikið meira spennandi at fáa skipanina roynda fyrst í desember.
