Sambært Reuters fer russiski uttanríkisráðharrin, Sergej Lavrov, at vitja í Turkalandi hin 8. juni, sum er í næstu viku.
Á ferðini við sær hevur hann eina "hernaðarliga" sendinevnd, sum sagt verður.
Turkiski uttanríkisráðharrin sigur, at á skránni fyri vitjanina er spurningurin, hvussu møguleikar kunnu skapast fyri útflutningi av landbúnaðarvørum úr Ukraina í krígsstøðuni.
Vitjanin kemur í lag, samstundis sum Turkaland - sum einasta land í Nato - hevur sett seg upp ímóti svenskum og finskum limaskapi.
Forsetin í Turkalandi, Recep Tayyip Erdoğan, heldur, at Svøríki og Finnland eru til bága fyri trygdina í verjusamgonguni.
