TRÝST á PÍLIN undir MYNDINI, og hoyr samrøðuna Hilmar Jan Hansen hevði beinleiðis á Rás2 við Lars Black Larsen, sum vardi føroyska málið ein stóran part av dystinum, tá Føroyar taptu 24-26 (11-13) ímóti Grikkalandi í tí seinna EM-undankappingardystinum á Hálsi.
Lars Black Larsen heldur, at tað føroyska liðið eigur at vísa meiri tenn, og spælarar eiga at verða meiri "svakir", sum Lars Black Larsen málber seg.
Eins og Rókur Akralíð er málverjin nøgdur við verjuspælið størsta partin av dystinum, men Lars Black Larsen heldur, at hansara viðleikarar í hinum endanum av vøllinum skutu kýpriotisku og griksku málverjarnar heitar.
Lars Black Larsen vónar, at fleiri ungir og evnaríkir føroyskir leikarar fara at royna seg á einum hægri støðið, so menningin hjá landsliðnum kann halda fram.
