At kalla alt landsstýrið er savnað á Hafnia fyrrapartin, har heildarætlanin um fólkaflyting og fólkavøkstur verður løgd fram.
Heildarætlanin byggir á 37 ymisk átøk, ið skulu gerast næstu árini, fyri á tann hátt at venda fólkafráflyting til fólkavøkstur.
Átøkini er býtt á seks høvuðsbólkar:
Útbúgving & gransking
Lívskor
Tilknýti til og ímyndin av Føroyum
Forðingar í samband við at flyta til Føroya
Útlendingar
Yvirskipað samfelagsviðurskifti
Samlaði kostnaðurin er 706 milliónir krónur næstu fimm árini, og síðani 109 milliónir krónur um árið næstu tvey árini árini.
Erika Hayfield hevur staðið á odda fyri arbeiðsbólkinum, sum leggur fram heldarætlanina fyrrapartin.
Umframt landsstýrið eru politikarar, bæði úr samgongu og andstøðu, savnað á Hotel Hafnia.
