Altjóða fótbóltssamgongan, FIFA, hevur í dag kunngjørt styrkilistan. Føroyar eru fluttar eitt pláss upp á nummar 103. Tað er met fyri føroyska landsliðið.
Les eisini: Tangering av metinum á FIFA styrkilistanum
Sigurin í Grikkalandi stendur enn sterkur í minninum hjá teimum flestu. Fleiri av hetjunum frá dystinum hava eisini fingið sáttmálar uttanlands. Sigurin heldur eisini fram at ávirka støðuna hjá okkum á FIFA styrkilistanum.
Les eisini: Føroyar risa lop á styrkilistanum
Hendan farna mánaðin er ikki nógv broytt á listanum, tí fáir landsdystir hava verið. Tó er ein gleðilig broyting, sum ger at føroyka landsliðið í dag hevur sett met. Vit eru nú nummar 103 á styrkilistanum hjá FIFA.
Les eisini: Týdningarmikið stig fyri føroyskan fótbólt
Nummar eitt á listanum er framvegis heimsmeistarnir úr Týsklandi.
