Læknavaktin fer at halda til í somu hølum, sum ambulanta virksemið hjá rannsóknarstovuni heldur til. Alt virksemið hjá Læknavaktini fer frameftir at vera á hesum stað.
Landssjúkrahúsið skrivar, at upplatningartíðirnar hjá Læknavaktini er óbroyttar soleiðis, at Læknavaktin framvegis er opin frá kl. 16.00 til 08.00 á morgni yrkadagar, og alt samdøgrið í vikuskiftum og á halgidøgum og vísir til skelting við komu á Landssjúkrahúsinum.
– Gev gætur, at Læknavaktin bert er ætlað, um tú brádliga gerst sjúk/ur, ella um tú gerst meir ússalig/ur í samband við sjúku, og har tú metir, at tað ikki kann bíða, til tú fært fatur á tínum egna kommunulækna, skrivar Landssjúkrahúsið.
