Leikurin er ein farsa eftir kenda høvundaparið Arnold og Bach. Føroyingar kenna høvundarnar frá ótalligum skemtileikum, eitt nú Fríggjarfløkjan og Spanska Flugan, ið spældu fyri óhoyrt nógvum áskoðarum á sinni.
Saga Jonsdóttir er leikstjóri. Hon er íslendingur og hevur sett fleiri leikir upp saman við klaksvíkingum. Seinast Emil úr Lønnibergi, sum varð spældur í fjørð.
Pallmyndin varð upprunaliga nýtt í Íslandi, har leikurin gekk fyri fullum húsum. Tá ið Íslendingar vóru lidnir, keypti Klaksvíkar Sjónleikarafelag pallmyndina, og hendan verður nú sett upp í Norðurlandahúsinum til vikuskifti.
Leikurin hevur gingið í Løkshøll síðani seinast í januar, og hetta verður seinasta høvi at síggja leikin.
Sýningarnar verða leygardagin 20. februar klokkan 20.00 og sunnudagin 21. februar klokkan 19.00 Atgongumerki fáast á www.nlh.fo, í Norðurlandahúsinum og á kunningarstovunum.
