Tað er heitið á ráðstevnu, sum verður í Løkshøll hósdagin 19. mai. Við á ráðstevnuni verða estiski fíggjarmálaráðharrin og Jens Christiansen frá dansk-estiska vinnuráðnum. Komandi hósdag hin 19. mai 2011 skipar Eysturoyar Vinnulívsfelag fyri vinnuráðstevnu í Løkshøll í Runavík.
Vinnuráðstevnan byrjar klokkan 10 og endar klokkan 15.
Heitið á ráðstevnuni er »Estiski vakstrarmyndilin - lágur skattur, útlendskar íløgur, onki hall«.
Fyrilestrarhaldarar eru: Hr. Jurgin Ligi, estiski fíggjarmálaráðharrin, Jens Christiansen frá dansk-estiska vinnuráðnum og Hartvig Joensen frá Havsbrún.
Skipað verður fyri kjakpaneli við m.a. føroyskum politikarum.
