Á Facebook-síðuni - Føroya Politi - ávarar løgreglan í kvøld um, at tað er sera hált at koyra.
- Eftir at tað tinaði nakað seinnapartin, frystir nú aftur. Inni í Havnini er sera hált nógvastaðni.
Tilmælið hjá løgregluni í kvøld er tískil at koyra varliga.
Vit kunnu leggja aftrat, at tað kann vera rættiliga ymiskt, hvussu hálkan háttar sær - og á hvørjum vegastrekkjum, fólk eiga at vera serliga ansin.
Føroyska veðurlagið - og landslagið - kann vera so lumpið, at tú skjótt kanst vera um ein háls, um tú ikki ansar tær serliga væl eitt slíkt kvøld sum í kvøld.
##med2##
