Tað sá ikki so vakurt út hjá føroyska kvinnulandsliðnum í fjør heyst.
Aftaná fýra dystir í HM-undankappingini ímóti Kekkia, Íslandi, Týsklandi og Slovenia var málúrtøkan 0-32.
Í ár ætlar kvinnulandsliðið at bøta væl um hetta. Byrjað verður ímóti Íslandi á heimavølli týsdagin klokkan 17 á Tórsvølli.
Talan er um eitt mótstøðulið av fremsta flokki, og fyrradagin vunnu íslendsku kvinnurnar góðan 2-0 útisigur ímóti Slovenia, sum Føroyar taptu 0-5 ímóti. Tá Ísland og Føroyar møttust á Laugardalsvøllinum í fjør vann Ísland 8-0.
Landsliðsvenjarin, Pætur Smith Clementsen vónar at kunna skarva væl av málunum hjá mótstøðuliðunum, og eiga størri lut í spælinum.
Men týdningarmikið er, at fólk møta og stuðla okkara kvinnum á Tórsvølli týsdagin klokkan 17.
TRÝST á PÍLIN undir MYNDINI, og hoyr samrøðuna, ið var við Pætur S. Clementsen í sendingini "Triði Hálvleikur" á Rás2.
