Toppdysturin í 1. deild verður ikki fyrr enn í morgin, tá ið EB/Streymur og 07 Vestur hittast við Margáir. At dysturin verður spældur sunnudagin og ikki í dag kemst av, at uppgerðin millum EB/Streym og KÍ orsaka av kava ikki varð spæld mikukvøldið, men hóskvøldið.
EB/Streymur og 07 Vestur eru einastu liðini, sum ikki hava tapt. Dagsskráin hjá FC Suðuroy og Giza/Hoyvík snýr seg í løtuni um at kappast um bronsuplássið. Tá ið tað í hesum umfarinum er innanhýsis telving millum tvey tey ovastu, so hava FC Suðuroy og Giza/Hoyvík møguleika í hesum umfarinum at lyfta seg nærri toppinum. Í dag eiga tey bæði heimavøll – AB vitjar á Vágseiði og sandoyingar eru á veg í Gundadal.
Hjá seks liðum snýr tað seg fyrst og fremst um at varðveiða plássið í deildini.
Tvey av hesum – NSÍ og KÍ – hittast í Runavík, og tvey onnur – Víkingur og HB – bresta saman. Vanliga plagar næstbesta Víkinga liðið at spæla sínar heimadystir í Leirvík, men tá ið tað er kavi á vøllinum har, verður í staðin spælt í Sarpugerði.
Í dag
Víkingur-HB: Vinjard Dam kl. 15.00
NSÍ-KÍ: Rúni Olsen kl. 15.00
Giza/Hoyvík-B71: Bent Tommy Linklett kl. 16.30
FC Suðuroy-AB: Bjarki Danielsen kl. 14.00
Sunnudagin
EB/Streymur-07Vestur: Jan á Líðarenda kl. 16.00
Støðan undan áttanda umfari
EB/Streymur 19
07 Vestur 19
FC Suðuroy 13
Giza/Hoyvík 12
KÍ 9
NSÍ 9
HB 7
B71 5
AB 4
Víkingur 4
