Hon er ung og dugnalig, og framtiðin liggur opin fyri henni.
Tað er Kristina Bærendsen.
Countrykvinnan úr Saltangará fer á pallin á Dungasandi í Sørvági í kvøld klokkan 20.
Kristina hevur eina frálíka rødd, og øll innan føroyska tónleikaheimin vita, at hon - um hon heldur fram á síni leið - hevur framtíðina fyri sær.
Hon er dóttir navnframa føroyska sangaran, Alex Bærendsen.
Kristina Bærendsen hevur framført saman við føroyskum og útlendskum sangarum, eitt nú Halli Joensen og Bobby Bare.
Í 2012 gav hon út sera væl móttiknu fløguna Kristina.
Eingin ivi er um, at Kristina Bærendsen er eitt av høvuðsnøvnunum á Sørvágs Country-og Blues Festivali í kvøld.
