Ígjár vóru Helgi H. Hoydal, Bjarni í Selvindi og liðfelagarnir í Kristiansand sera nær við at røkka norsku steypafinaluni.
Men tað bleiv talan um eitt tepurt 29-30 (15-12) tap fyri stóru favorittunum, Elverum.
Í dag hevur Kristiansand spælt dystin um triðja plássið í Final Four í Norsku steypakappingini.
Kristiansand tryggjaði sær bronsuna við einum 36-31 sigri á Haslum í Sør Amfi høllini í Grimstad.
Í steðginum var støðan javnleikur 17-17. Í seinna hálvleiki var Kristiansand greitt omaná.
Helgi skoraði trý mál, og Bjarni skoraði eitt mál og legði upp til eitt mál.
