Tað hevur givið at bíta nú nakrar leygardagar, tá ein ávísur miðfloksmaður saman við einum útvarpsanni hevur reklamerað fyri hassji í public service tíðindasendingunum – og um eina ráðstevnu um hassj, sum skal haldast á føðingardegi Hitlers, 20. apríl, uttan fyri løgtingið.
Enn er tíðindavinkulin hjá Kringvarpinum eitt sindur »skeivur« – um hetta er eitt pro-hassj-tiltak hjá Miðflokkinum, ella bara eitt hippitiltak hjá nøkrum einstaklingum, sum sambært Kringvarpinum eru fleiri í tali, enn allir veljararnir hjá Miðflokkinum tilsamans.
– Vónandi eru tað ikki sponsorarnir og plátuvendararnir, sum hava tikið yvirhond. Men eitt sindur ørkymlandi er tað fyri lurtaran og lógartvungna kringvarpsskattgjaldaran, hvørjar tær djúparu fjølmiðlaetisku hugsjónirnar hjá Kringvarpi Føroya eru fyri hesi hassjherferð – við Bob Marley rútmum og øllum – vikuskifti eftir vikuskifti...
