Koyriuppliving í serklassa

AD-Import hevur fingið eina Aprilia RSV 1000R motorsúkklu heim. Súkklan er nakað av tí besta, sum evropeiski motorsúkkluídnaðurin hevur skapt higartil.

Aprilia RSV er ein koyriuppliving í serklassa, sum setur krøv reaktiónsevnini hjá føraranum. Súkklan er so stór og kvik, at tað er skjótt at ferðin verður alt ov stór, uttan at førarin varnast tað.

Motorurin er ein 1,0 litur 4-takts vatnkøldur við tveimum sylindarum og dupultum yvirliggjandi knastakslum, 138 hk og 6 gir.

Hóast Aprilia RSV er ein stór súkkla sum vigar 189 kg, virkar hon sera løtt at koyra.
Tað at tyngdipunktið er frammaliga og ovarliga gevur eina ómetaliga góða javnvág, sum ger at súkklan hevur sportsligar koyrieginleikar í toppklassa, eisini í svingum.

Størsta minus við Aprilia RSV er, at hon er so góð at koyra á, at um man veruliga vil njóta súkkluna, er skjótt, at koyrikortið er í vanda.


Aprilia RSV 1000R

Motorurin             1,0 litur 4-takt 143,8 hk v. 9.980 umdr/min

0-100 km/t            3,2 sek (á einum strekki upp á 46 metrar)

400 metrar            10,6 sek (tá er ferðin 217,8 km/t)

Toppferð            289,1 km/t

Bensinnýtsla        10,8 km/l

Stødd og vekt
Longd            203,5 cm
Breidd             73,0 cm
Hædd             114,5 cm
Aksilfrástøða        141,8 cm
Eginvekt            189 kg

Bensintangin         18 litrar (inkl. 4 litur eykatanga)
                Koyrir 194 kilometrar upp á ein tanga

Prísur                kr. 209.998,-

Søluumboð            AD-Import
                R.C.Effersøesgøta 21
                FO-100 Tórshavn
                Tel. 309999
                www.ad-import.fo