Tað kostaði fiskiflotanum einar 25 milliónir krónur, at hann lá bundin við bryggju ein stóran part av januar mánað av tí at ósemja var við Reiðarafelagið um nýggjan sáttmála. Tað kann lesast av nýggjastu uppgerðini hjá Hagstovuni yvir avreiðingartølini í januar í ár, samanborið við Januar í fjør.
Tølini vísa, at í januar í ár hevur avreiðingarvirðið verður góðar 25 milliónir minni enn tað var í januar í fjør.
Og Hagstovan staðfestir, at ein stórur partur av minkingini stavar frá, at flotin lá ein stórn part av mánaðinum.
Tølini vísa, at í januar í ár vórðu 3.757 tons avreidd í Føroyum, aftur ímóti 8.108 tonsum í januar í fjør.
Avreiðingarvirðið í januar í ár var 48,1 millión, men í Januar í fjør var tað 73,1 millión, sum er 25 milliónir meiri.
Talvan vísir annars, hvussu býtið var ímillum tey ymsu fiskasløgini.
