Náttúru kreftirnar, sum hava verið upp á spæl í dag, hava verið øgiligar.
Fyrr í dag skrivaðu vit um bilar, sum fuku runt í Klaksvík. Tekjur eru farnar og á síðuni her síggjast videobrot úr Klaksvík, har tekjur verða skryktar leysar.
Stórir virkisbygningar kring at kalla alt landið hava fingið stóran skaða og hava somuleiðis gjørt skaða á aðrar lutir. Eisini hava mong sethús, neyst, fjós, bátar og annað fingið skaða í illveðrinum.
Her síggjast nakrar myndir úr Haraldssundi, har ein bláur kontainari er farin á flog og alsamt flutti seg tættari at bygdum øki.
Veitst tú okkurt um illveðrið, sum vit ikki vita? So er at senda teldupost til post(at)sosialurin.fo ella senda boð á Facebook síðuni hjá in.fo.
