Tað tykist eingin ivi vera um, at Jurgen Klopp og Liverpool, í summar ætla sær nýggjan málverja. Simon Mignolet, ið leingi hevur verið fyrsti málverji í Liverpool, hevur í løtuni tapt dystin um málmansplássið til týska málverjan, Loris Karius, sum tó ikki hevur sannført í Liverpool málinum.
Tí skriva fleiri álítandi enskir journalistar, ið fylgja Liverpool neyvt, at Jurgen Klopp hevur í huganum, at styrkja liði við nýggjum málverja. Og ensku journalistarnir halda seg eisini, hvørjar málverjar Klopp hevur í huganum.
Tað eru teir báðir, Allison Becker úr Roma og Jan Oblak úr Atletico Madrid. Av teimum báðum fæst Allison Becker fyri ein bíligari prís. Hann væntast at kosta 370 milliónir krónur, meðan Jan Oblak helst skal keypast leysur fyri góðar 750 milliónir krónur.
