Í stóru íløguætlanini, sum Bakkafrost legði fram í Kaffihúsinum í gjár, er eisini ein økt fóðurframleiðsla.
Hetta fer tó at henda í seinna endanum av íløgutíðarskeiðinum, sum gongur yvir fimm ár, frá 2013 til 2017.
Fóðurframleiðslan hjá Havsbrún liggur í løtuni um 100.000 tons, men í 2017 er ætlanin at økja um framleiðsluna upp í 170.000 tons.
Tað verður tí neyðugt at økja um rávøru- og framleiðslukapasitetin. Í ætlanini liggur eisini ein ávísur útflutningur at alifóðri.
