KJ, sum gjørdi ymiskt umvælingararbeiði umborð, sigur í tíðindaskrivi, at eitt nú varð stóra lyftistemplið á nótaleggjaranum tikið frá og umvælt, og oljulekar á nótarulluni vórðu tettir og pakningar skiftir.
- Umframt hetta varð eisini sveisiarbeiði gjørt í einum vakuumtanga, sum er í brúki, tá landað verður, sigur Ørvar Jacobsen, tænastuleiðari hjá KJ.
Hann vísir á, at arbeiðið gekk sera væl.
- Uppgávurnar vórðu loystar bæði skjótt og væl av okkara smiðjum, og Isafold slapp aftur til uppsjóvarfiskiskap hin 2. januar.
Um Isafold verður sagt, at skipið er heimahoyrandi í Hirtshals. Tað er bygt á Zamakoma-skipasmiðjuni í Spaniu í 2022. Skipið er 87 metrar langt og 20 metrar breitt.
- Eitt, sum er áhugavert við Isafold, er, at skipið hevur tvær skrúvur til framdrift. Hetta økir um orku og megi til sleip og mannirering av skipinum í øllum veðri.
Hetta sigur KJ, sum hevur høvuðsstøð á Kambsdali, í tíðindaskrivi í morgun.
##med2##
