Um vit spyrja børnini, so er jólaaftan er altíð alt ov langur ? í øllum førum tíðin til vit pakka gávurnar upp! Dagarnir í desembur eru stuttir og freistandi er hjá børnum at sita frammanfyri telduskíggja, sjónvarpsskíggja ella okkurt annað slag av skíggja.
Hvirlan bjóðar øllum børnum til kirkjurenning jólaaftan, tá tað nú er so stravið at bíða og øll treingja til at røra seg.
Vit hittast á Tórsbreyt kl. 10.00 og renna niðan til Hoyvíkar kirkju. Tá vit koma oman aftur, verða spøl og okkurt frælsakent á skránni, áðrenn farið verður heim at bíða. Vónandi fellur tíðin eitt sindur styttri, men nógv stuttligari enn vanligt jólaaftan. Tað verður kanska meir at gleðast um, tá mann hevur spælt og runnið jólini inn, sigur Hvirlan í tíðindaskrivi.
