Tað verður 56 ára gamli Kevin Keegan, sum framyvir skal venja Newcastle. Hetta kunngjørdi felagið í dag. Leitað hevur verið eftir avloysara fyri Sam Allardyce, síðan hann var koyrdur í síðstu viku vegna vánalig úrslit.
Kevin Keegan er ein høgt virðismettur venjari, og hevur m.a. bæði leikt á enska landsliðnum, og verið venjari hjá tí í tíðarskeiðnum 1999 til 2000. Fram til 2005 var hann venjari hjá Manchester City, og eftir at hava gingið arbeiðsleysur síðan tá, er hann nú aftur venjari, - hesaferð hjá Newcastle, sum skal lyfta seg av einum vónbrótandi 11. plássi í Premier League.
