Nú hóskvøldið 31. januar kemur Jordi Puigneró, katalanski ráðharrin innan talgilding, til Føroyar á vitjan. Hann skal hitta Kristinu Háfoss, landsstýriskvinnu í fíggjarmálum, sum hevur ábyrgd av talgilding í Føroyum.
Jordi Puigneró kemur at kunna seg um Talgildu Føroyar og at undirskriva eina samstarvsavtalu innan talgilding ímillum Føroyar og Katalonia. Eisini fer hann at kunna seg um føroysk viðurskifti í sínu heild.
Við í ferðalagnum eru millum annað eisini stjórin í SmartCatalonia, aðalstjórin í stjórnarráðnum fyri talgilding og almenna fyrisiting, og stjórin í ICT (teirra KT landsins) í Katalonia.
Jordi Puigneró og fylgi fara av landinum aftur mánadagin 4. februar.
