Henrik Gerster tók við sum venjari hjá kvinnunum, tá tað stóð greitt, at Jan Ottosen fór til Australia, har hann er landsliðsvenjari.
Gerster er eisini venjari hjá monnunum í Vestmanna, og tí hevur VÍF leitað eftir eini meira varandi loysn.
Hendan er nú funnin. Í VÍF vátta tey, at Kári Mortensen og Svanna Hanusardóttir nú taka um stýrisvølin hjá kvinnunum, og afturat teimum verður eisini Sveinbjørn Poulsen.
Kári og Svanna eru bæði kend andlit í føroyskum hondbólti, og tey hava fyrr verið venjarar hjá VÍF-kvinnunum.
