Frá í dag av er tað lógligt at keypa Kannabis í Newfoundlandi, í eystara partinum av Kanada. Fólk stóðu í kø stutt áðrenn miðnátt í gjárakvøldi, og tað var ikki tí nýggjar telefonir ella nakað stórt tilboð var á skránni, men heldur tí at kannabis gjørdist lógligt.
Hetta er annað landið í heiminum, sum velur at gera kannabis lógligt, onnur lond hava gjørt tað lógligt sum medisinskt brúk.
Lógin sigur, at borgarar yvir 18 ár
- Kunna lógligt hava upp til 30 gramm av kannabis á sær
- Hava upp til fýra plantur í heiminum
- Kunna brúka kannabis til matgerð o.a.
Tað er ikki loyvi at keypa kannabis frá øðrum enn góðkendum seljarum, ella har sum tubbak og rúsdrekka verður selt.
- Hendan avgerðin bleiv tikin fyri at sleppa av við svarta marknaðin, har stórsta inntøkan kom av kannabis sølu. Tað kom enntá fyri, at onnur rúsevnir vóru blandaði uppí kannabis sum var selt á svarta marknaðinum, soleiðis at fólk gjørdust bundin og keyptu meira, sigur Marianna Stenbæk, professari á kanadiska universitetinum McGill.
Í 2013 gjørdist Uruguay tað fyrsta landið í heiminum at gera kannabis lógligt, síðan tá eru meiningar um kannabis sissaðar, og fleiri lond hava gjørt tað lógligt at nýta kannabis til medisinska viðgerðir.
