Fótbóltsspælarin Kaj Leo í Bartalsstovu hevur í dag gjørt trý ára sáttmála við íslendska meistaraliðið, Valur.
Tað váttar felagið á Facebook-síðuni.
Kaj Leo hevur seinastu trý árini spælt í íslendskum fótbólti – fyrst við FH og síðani tvey kappingarár við ÍBV.
Kaj Leo í Bartalsstovu hevði eitt sera gott kappingarár í ár og hevði flest upplegg í íslendsku meistaradeildini. Tí hevur stórur áhugi seinastu tíðina verið fyri Kaj Leo.
Valur er sigursvant felag úr Reykjavík, sum í ár vann sítt 22. meistaraheiti.
