Tað eydnaðist ikki NSÍ í kvøld at vinna seg víðari í Europa. Annar parturin av setninginum hjá NSÍ var at halda norðurírska mótstøðuliðið frá at skora mál. Tað eydnaðist.
Hin parturin av NSÍ setinginum var at skora í minsta lagið tvey mál. Tað eydnaðist ikki. Serliga í seinna hálvleiki, tá ið NSÍ sá út til at vera í væl betri venjingarstøðu enn mótstøðuliðið, spældi heimaliðið seg til nógvar møguleikar á Svangaskarði, men tað eydnaðist ikki at fáa hol á.
Í San Marino gekk tað betri við málskjótingini hjá KÍ, sum helt mótstøðuliðnum frá at skora mál.
Í fyrra hálvleiki skoraði KÍ trý mál, og eitt korter undan leikloki økti Jóannes K. Danielsen um leiðsluna. 4-0 KÍ sigurin er merkisverdur á tann hátt, at hetta var fyrsta ferðin yvirhøvur, at klaksvíkingar hava vunnið í europeisku kappingunum á útivølli.
Jóannes Bjartalíð setti hol á við brotssparki, Jonn Johannesen drønstútaði til 2-0, eftir at Jóannes Kalsø Danielsen legði væl innfyri úr høgru, og Patrik Johannesen skoraði til 3-0 úr vinstru eftir fínt álop, har Ísak Simonsen og Simen Sandmæl vóru við í uppspælinum í vinstru.
KÍ vann fyri einari viku síðani 5-1 á heimavølli. Samantaldi sigurin er tískil 9-1. Hetta er størsti samantaldi sigur, sum føroyskt felag hevur vunnið í europeiskari kapping.
Gamla metið áttu EB/Streymur og Víkingur.
Í 2013 vann EB/Streymur samantalt 7-3 ímóti Lusistans úr Andorra.
Í 2017 vann Víkingur samantalt 6-2 ímóti Trepca úr Kosovu.
Tre Fiori - KÍ 0-4 (0-3)
Á Sarvalle stadion í San Marino
Hósdagin 4. juli 2019 kl. 20.45
Dómarabólkur úr Serbia: Novak Simović, Milan Minić, Milan Sutulović og Ilija Brdar (4. dómari)
0-1: Jóannes Bjartalíð br 29
0-2: Jonn Johannesen 33.
0-3: Patrik Johannesen 45.+2.
0-4: Jóannes Kalsø Danielsen 75.
KÍ vann 5-1 á heimavølli og heldur fram í kappingini við samantalt 9-1 sigri
KÍ: Kristian Joensen - Jóannes Kalsø Danielsen, Jesper Brinck, Deni Pavlovic (Ólavur Niclasen, 79.), Ísak Simonsen - Jóannes Bjartalíð, Semir Hadzibulic, Jákup B. Andreasen, Jonn Johannessen (Magnus Stamnestrø, 46.) - Simen Sandmæl, Patrik Johannesen (Páll A. Klettskarð, 57.).
Á beinkinum uttan at verða skiftir inn: Meinhardt P. Joensen, Steinbjørn Olsen, Boris Dosljak, Darius Lewis
Gult kort: Jonn Johannesen, Semir Hadzibulic
Venjari: Mikkjal Thomassen
--
NSÍ – Ballymena United 0-0
Á Svangaskarði
Hósdagin 4. juli 2019
Dómarabólkur úr
Ballymena United vann 2-0 á heimavølli og er samantaldur vinnari við málmuninum 2-0
NSÍ: Tórður Thomsen – Bárður J. Hansen, Oddur Højgaard, Jóhan Troest Davidsen, Pætur Hentze (Óli Højgaard Olsen, 84.) – Peder Nersveen, Pól Jóhannus Justinussen – Petur Knudsen, Jann Martin Mortensen (Øssur Dalbúð, 64.), Jann Benjaminsen (Búi Egilsson, 74.) – Klæmint A. Olsen
Á beinkinum uttan at verða skiftir inn: Eli Joensen, Per Langgaard, Mórits Heini Mortensen, Jannik M. Olsen
Gult kort: eingin
Venjari: Guðjón Ꝧórdarson
Ballymena: Ross Glendinning – Jim Ervin, Scot Whiteside, Kofi Balmer – Tony Kane, Leroy Miller, Declan Carville, Jude Winchester, Steven McCullough – Adam Lecky, Cathair Friel
