Í kvøld varð lutur drigin um, hvør skal spæla ímóti hvørjum í undanumfarinum og fyrsta umfari í kappingini um løgmanssteypið.
Lutakastið lagaði seg soleiðis, at tað í trimum dystum í fyrsta umfari verður talan um innanhýsis uppgerðir millum lið í bestu deildini.
Í fjør fall KÍ í fyrsta umfari í steypakappingini á heimavølli ímóti HB eftir longda leiktíð og brotssparkskapping. HB vann brotssparkskappingina í Klaksvík og endaði við at vinna løgmanssteypið.
Í kvøld lagaði lutakastið seg soleiðis, at KÍ í fyrsta umfari skal spæla á heimavølli ímóti NSÍ. Hesi bæði liðini hittust í Klaksvík í øðrum umfari í landskappingini, og tá vann heimaliðið 2-0.
Hinir dystirnir millum lið í bestu deildini eru B68 – EB/Streymur og TB-HB.
5. apríl – undanumfar
Royn – FC Hoyvík
MB – Undrið FF
18. apríl – 1. umfar
B68 – EB/Streymur
B36 – AB
TB – HB
KÍ – NSÍ
07 Vestur – Vinnari Royn/FC Hoyvík
B71 – Vinnari MB/Undrið FF
ÍF – FC Suðuroy
Víkingur - Skála
