Tórshavnar kommuna er rættiliga farin undir at prýða býin til jóla.
Runt um í býnum fáast menn við at hongja upp jólaprýði og at fríðka um býin.
Á Vaglinum millum Eik og Løgtingið er komin ein jólabýur, og nú eru menn í ferð við at seta upp ein jólabý í Vágsbotni.
Samstundis er seinasta hond løgd á ísvøllin á Vaglinum, so hugnin breiðir seg í miðbýnum.
Smáu hugnaligu húsini verða brúkt sum sølubúðir, har fólk kunnu fáa ein heitan munn umframt okkurt til búkin.
Leygardagin verður so jólatræið á Tinghúsvøllinum tendrað og aftan á letur so ísvøllurin upp.
