Japanska stjórnin fer ikki at fylgja Altjóða Dómstólinum í Haag, sum herfyri kom til ta niðurstøðu, at landsins hvalaveiða í Suðuríshavinum er ólóglig, og at landið tískil skal gevast at veiða hval har.
Japanski fiskimálaráðharrin, Yoshimassa Hayashi, segði í dag, at ætlanin er at skjóta 210 hvalir í Suðurkyrrahavinum, og at ætlanin er at byrja sum skjótast.
Ráðharrin segði sambært BBC, at Japan fer framhaldandi at veiða hval til vísindalig endamál. Tað er beinleiðis í andsøgn við úrskurðin hjá Altjóða Dómstólinum, har tað stóð, at japanska hvalaveiðan kann ikki góðtakast sum vísindalig.
