Hvar verða jólini hildin í ár?
- Vit halda jól heima hjá okkum sjálvum, konan, eg og børnini, uttan mína elstu dóttir, sum heldur jól saman við manni og døtrum í Keypmannahavn.
Tað sigur Sigmundur Ísfeld, sum vit hava sett nakrar spurningar.
Fer koronu-farsóttin at broyta tykkara jólatraditiónir?
- Koronu-farsóttin hevur gjørt, at vit ikki halda jól saman við mínum foreldrum, sum vit annars høvdu gjørt.
Hvat var á borðinum jólaaftan, og hvat verður etið í dag?
- Jólaaftan ótu vit bæði dunnu og gás, og mandlurís omaná. Í dag verður helst stokt lamb í ovninum.
Keypti tú jólagávur?
- Eg keypti nakrar. Ein hin seinasta var gávan, sum kravdi mest umhugsni, og so kunnu tit gita, hvør átti hana, sigur Sigmundur Ísfeld.
