TRÝST á PÍLIN undir MYNDINI, og hoyr samrøðuna Rás2 hevði við ein vónbrotnan høvuðsvenjara hjá B36 aftaná 2-3 tapið hjá B36 ímóti Suðringum, har B36 eitt skiftið var á odda 2-0, men misti alt á gólvið og tapti 2-3 við Stórá í Trongisvági í dag.
Jákup á Borg sigur seg ikki eiga orð fyri hvussu vónbrotin hann er. Hann heldur, at hansara menn vóru sera óansnir í støðunum, tá Suðringar skoraðu, og tað nívir hann.
Komandi leygardag vitjar ÍF á ovara vølli í Gundadali í Havn, og nú eru Jákup á Borg og hansara menn pískaðir at vinna, um teir ætla sær at verða í tí partunum av stigatalvuni har tað er stuttligt at verða.
