Jóan Símun Edmundsson, sum júst er skiftur úr Newcastle til Viking Stavanger, ætlar sær í løtuni einans at hugsavna seg um nýggja felag sítt, og hevur hann í tí sambandi givið avboð til venjingarleguna hjá føroyska landsliðnum í La Manga í Spania, sum byrjar nú leygardagin.
Landsliðsvenjari Lars Olsen hevur úttikið Klæmint A. Olsen úr NSÍ sum avloysara. Hann gjørdi veruliga vart við seg í Vodafonedeildini fjør, har hann við sínum 18 málum skeyt næstflest mál í deildini. Klæmint hevur spælt 14 dystir fyri U17-landsliðið, fýra fyri U19-landsliðið og fimm dystir fyri U21-landsliðið.
