Í kvøld er Ítróttafagnaður í Løkshøll í Runavík.
Annar heiðurin í kvøld var: "Ársins sólstrálur".
Tað gjørdust Gyða B. Djónadóttir og Johanna Østerø í Neistanum, ið fingu heiðurin at vera ársins sólstrálur. Tað var róðurslegendan, Hansina á Plógv sum handaði teimum heiðurin.
Gyða og Johanna brúka nógvar tímar í høllini, bæði at spæla og at venja, umframt at tær selja í kioskini og sita við dómaraborðið til dystir.
Tær staðfestu í samrøðuni við Sáru Jógvansdóttir, at tær eru partur av einum fantastiskum felagsskapi.
Hini innstillaðu til heiðurin vóru Ári Fríðason Jensen í Borðtennisfelagnum Tór, og Gunnvá Fríða Bárðardóttir Nielsen, VÍF og Havnar Fimleikafelag.
