Italski vinnulívsmálaráðharrin, Giancarlo Giorgetti, ávarar nú ímóti at hevna amerikansku tollhækkingarnar.
Útsøgnin hjá Giorgetti kemur eftir avgerðina hjá amerikanska forsetanum, sum eitt nú merkir øktur tollur á ES-vørum, sum verða seldar til USA.
- Vit eiga ikki at áseta hevndartoll, sum kann gerast oyðileggjandi fyri øll - og serliga fyri okkum sjálvi, sigur italski vinnulívsmálaráðharrin.
Og hetta sigur hann á einari vinnulívsráðstevnu, sum er í Milano.
Italia selur nógv fleiri vørur til USA, enn USA selur til Italia.
Tað var annars mikudagin, at amerikanski forsetin fráboðaði øktu tollásetingarnar fyri útlendskan innflutning til USA.
Fyri vørur úr ES-londum merkja nýggju ásetingarnar hjá Donald Trump, at tollurin verður 20 prosent, og hetta er eisini galdandi fyri vørur úr Italia.
Hetta veit tíðindastovan NTB at siga í morgun.
