USA hevur givið Ísrael grønt ljós til at selja Týsklandi rakettverjuskipanina, Arrow 3.
Hetta er ein sáttmáli á slakar 24 miljardir danskar krónur.
Sambært ísraelska verjumálaráðnum er hetta samstundis størsti einstaki sáttmáli hjá ísraelskari vápnaframleiðslu nakrantíð.
Tað var neyðugt, at USA gav grønt ljós til avtaluna, tá Arrow 3-skipanin er ment í samstarvi millum Israel Aerospace Industries (IAI) og amerikanska, Boeing.
Skipanin skal eftir ætlan takast í brúk í Týsklandi í 2025.
Týskland figgjar íløguna úr einum verjugrunni, sum er á 100 miljardir evrur.
Sambært tíðindastovuni NTB er hetta ein grunnur, sum Týskland setti á stovn eftir russisku innrásina í Ukraina í fjør.
