Ísrael er gingið við til at lata upp havnina í býnum, Ashdod, soleiðis at skip kunnu koma við hveitimjøli til Gazageiran.
Tað upplýsa Hvítu Húsini í kvøld.
Amerikanski forsetin, Joe Biden, fegnast um avgerðina at lata palestinska fólkinum mjøl beinleiðis um havnina í Ashdod í Ísrael.
Í dag tosaði amerikanski forsetin við ísraelska forsetan, Benjamin Netanyahu, og hetta var fyrstu ferð, teir báðir tosaðu saman síðan fyri jól.
ST rópar neyðarróp um menniskjansligu støðuna í Gazageiranum og sigur, at fólkið líður hungur.
Palestinar í Gazageiranum hava verið fyri áhaldandi bumbingum og ísraelskum álopum í fleiri enn tríggjar mánaðir.
Ísraelski býurin, Ashdod, har skip nú kunnu koma við mjøli til palestinar, liggur einar 40 kilometrar norðanfyri Gazageiran, veit tíðindastovan NTB at siga.
